Dhool ka Phool

"Kya Mere Liye Ab..........

Koi Aasha Nahin?

Mere Prati !

Tum itani krur kyon ho gayi ho?'

"Jab Hum Phool ki

Pankhuriyon ko Nochkar phenk dete hain,

Tab phool ko

Kaisa Lagta hoga...............

Ab samajh me Aaya hai

Unhin Nuchi Pankhuriyon par..............

Baithi hun mai !"

'Kuchh rekhayen Aisi hoti hain

Jinhain......

Samay Nahi meeta sakta.

Bhulna kya hota hai ?

Man samajhane ki baatain..............

Kaayaron ke bahaane !'

Shabd ! Shabdon me judte jate

Aur

Wakya Abadh gati se

Phisalta Rahta...................

Kalam kagaj par chalta rehta

Aur

Itihaas Ziwan main aa jata !

Alag hone ke baad...............

"Mujhey rakh ke dher par

Chalna hoga

Na jane................

Kaun sa angara

Reh jaye dahakta aur

Pawon ko kar de zakhmi !

Dil ka zakhm liye to

Chala hin hun

Mai kya hun.....................Uske bina

Kewal

Ek chhaya....

Ek chalti phirti lash

Ek kati patang

Jiski dor.............

Toot chuki hai kab kahan.

Gir jaye aur kaun

Loot ke le jaye..............

Khud nahin janta !

Ek khoye swar ki Pratidhwani

Aur

Ab aisa hin rahunga

Man ki viraniyon mai Bhatakte huye !

Mai sochta raha........

Phool Toot toot kar Girte rahe

Aur

Dhool ke Bagule Sadak par mandrate rahe !

..............SANTOSH